به‌ڕێوه‌به‌رایه‌تی گشتیی ته‌ندروستی سلێمانی ئاشكرای كرد كه سەرجەم تیمە تەندروستییەکانیان لە حاڵەتی ئامادەباشیدان و ئاماده‌كاریان بۆ ئه‌گه‌ری دروستبوونی لافاو كردووه.
ته‌ندروستی سلێمانی ڕایگه‌یاند: بەپێی پێشبینییەکانی کەشناسی شەپۆلێکی چڕی بارانبارین به‌ڕێوه‌یه و ئەگەر دابارینی زۆر باش هەیە لە ماوەکانی داهاتوودا.
ڕاشیگه‌یاند: ئێمە وەك بەڕێوەبەرایەتی گشتیی تەندروستی سلێمانی بە مەبەستی بەهاناوەچوونی هاووڵاتییان لە کاتی پێویستیان بەتیمە تەندروستییەکان، لە ئیستادا لە ڕێگەی (23) تیمه‌وه تیمەکانی فریاکەوتنی تەندروستی لەناو شاری سلێمانی لە حاڵەتی ئامادەباشیدان.
داواشی لە هاووڵاتییان كرد لە کاتی پێوستیان بە تیمه‌كانی تەندروستی لە ڕێگەی ژمارەی 122 پەیوەندی بکەن و لە کەمترین کاتدا تیمەکان ئامادە دەبن.
کۆمێنت (0)
تا ئێستا هیچ کۆمێنتێک نەکراوە.