وه‌زیری ته‌ندروستی حكوومه‌تی هه‌رێمی كوردستان ئاشكرای كرد، سه‌رجه‌م تیمه‌كانی ته‌ندروستی له ئاماده‌باشیدان بۆ ئه‌گه‌ری دروستبوونی لافاو و ڕووداوی نه‌خوازراو.
سامان به‌رزنجی وه‌زیری ته‌ندروستی ڕایگه‌یاند: لەڕێگەی بەڕێوەبەرایەتی گشتی تەندروستی لە پارێزگا و ئیدارە سەربەخۆکان، سەرجەم تیمەکانی فریاکەوتن و پزیشکی فریاکەوتن و فریاگوزاری خێرا 122 و نەخۆشخانەکانی فریاکەوتن، ڕاسپێردراون لە ئامادەباشی دابن بۆ هەر ئەگەرێکی خوانەخواستەی ڕەوشی کەشوهەوا و ئەگەری لافاو و هەر رووداوێکی نەخوازراوی دەرئه‌نجامی کەشوهەوا لە هەرێمی کوردستان.
وه‌ك پێشبینی ده‌كرا ئه‌مشه‌و شه‌پۆڵێكی بارانبارینی به‌خوڕ گه‌یشته ئاسمانی ناوچه‌كانی هه‌رێمی كوردستان و ئێستا له زۆربه‌ی شار و شارۆچكه‌كان باران ده‌بارێت، ئه‌م شه‌پۆڵه وه‌ك كه‌شناسی پێشبینی كردووه تا ئێواره‌ی رۆژی پێنجشه‌می داهاتوو به‌رده‌وامی هه‌بێت.
کۆمێنت (0)
تا ئێستا هیچ کۆمێنتێک نەکراوە.