پارێزگای كه‌ركووك بۆ سبه‌ی چوارشه‌م به فه‌رمی پشووی ڕاگه‌یاند، به‌ڵام پشووه‌كه به‌هۆی باران و ناله‌باری كه‌شوهه‌واوه نییه، هه‌رچه‌نده ئه‌مشه‌و بارانێكی به‌خوڕ له پارێزگاكه ده‌ستی پێ كردووه.
نووسینگه‌ی پارێزگاری به‌وه‌كاله‌تی كه‌ركووك بڵاوی كرده‌وه: سبه‌ی چوارشه‌م له سه‌رجه‌م فه‌رمانگه و ناوه‌نده‌كانی خوێندن له پارێزگای كه‌ركووك پشووه.
بڵاویشی كرده‌وه كه پشووه‌كه به‌بۆنه‌ی یادی رۆژی شه‌هیدبوونی ئیمامی عه‌لی كوڕی ئه‌بی تاڵیبه (ڕه‌زای خودای له‌سه‌ربێت) .
جه‌ختیشی كرده‌وه كه پشووه‌كه ته‌نیا داموده‌زگا خزمه‌تگوزارییه‌كان ناگرێته‌وه.
ئه‌مه له‌كاتێكدایه كه هه‌ر ئه‌مڕۆ هه‌ریه‌ك له پارێزگاكانی كه‌ربه‌لا، موسه‌نا، نه‌جه‌ف، واسیت، بابل، دیوانییه، زیقاڕ، به‌سڕه و نه‌ینه‌واش پشووی فه‌رمی سبه‌ی چوارشه‌میان ڕاگه‌یاندبوو به‌بۆنه‌ی یادی رۆژی شه‌هیدبوونی ئیمامی عه‌لی (ڕه‌زای خودای له‌سه‌ربێت).
کۆمێنت (0)
تا ئێستا هیچ کۆمێنتێک نەکراوە.