لەسەر ڕێگەی هەولێر- خەبات لەنزیک تۆبزاوە ڕووداوێکی هاتووچۆ بەهۆی تیژڕۆیی و خراپی کەشوهەوا ڕووی دا و گیانلەدەستدانی کەسێکی لێکەوتەوە، کەسێکی دیکەش برینداربووە.
کاتژمێر 02:20 خولەکی دوانیوەڕۆی ئەمڕۆ چوارشەممە 12ـی 04ـی 2023 ڕووداوێکی هاتووچۆ لەسەر ڕێگەی هەولێر- خەبات ڕووی دا، فازڵ حاجی گوتەبێژی پۆلیسی هاتووچۆی هەولێر لەبارەی ڕووداوەکە ڕایگەیاند: بارهەڵگرێک کە لە هەولێر بەرەو خەبات دەڕۆیشت، بەهۆی تیژڕۆیی و خراپی کەشهەوا کۆنترۆڵی لەدەست دا و چووە سایدەکەی دیکەی شەقام و خۆی کێشا بە تۆیۆتا کامرییەکی تایبەت، کە بەرەو هەولێر دەهات.
ڕاشیگەیاند: لە ئەنجامی ڕووداوەکە، شوفێری کامری گیانی لەدەست دا و سەرنشینەکەشی بەسەختی زامدار بوو.
گوتەبێژی هاتووچۆی هەولێر هۆشداری دەداتە هاووڵاتییان و ئاماژەی بەوە داوە کە "ئەم کەشە باراناویە هی تیژڕۆیی نییە، لەسەرخۆ لێخوڕین بکەن، با درەنگتر بگەن، بەڵام گرنگتر ئەوەیە کە بەسەلامەت بگەن."
کۆمێنت (0)
تا ئێستا هیچ کۆمێنتێک نەکراوە.