بەڕێوەبەرایەتی هاتووچۆی هەولێر ڕەتی دەکاتەوە کە هیچ ئۆتۆمبێلێکی تویوتا کراون (مەلیکە) تۆمار کرابێت و ژمارەی پێ درابێت.
بەڕێوەبەرایەتی هاتووچۆی هەولێر ئەمڕۆ چوارشەممە 12ـی 04ـی 2023 ڕوونکردنەوەیەکی سەبارەت بەو دەنگۆیانەی باس لە تۆمارکردنی ئۆتۆمبێلی تویوتا کراون (مەلیکە) دەکەن، بڵاوکردۆتەوە و تێیدا هاتووە، "لە هەندێ پلاتفۆرمی تۆڕی کۆمەڵایەتی (بە تایبەت لە تیک تۆک) هەندێ ڤیدیۆی دروستکراو بۆ سەرلێشێواندن بڵاوکراوەتەوە کە گوایە ئۆتۆمبێلی تویوتا کراون ( ناسراو بە مەلیکە) تۆمارکراوە و ژمارەی پێدراوە."
بەڕێوەبەرایەتییەکە ڕوونی کردۆتەوە کە "ئەو پرۆسەیەی لە بەڕێوەبەرایەتیمان بەڕێوە دەچێت تەنیا پشکنینە بە ئامێری سکانەر و هیچ ئۆتۆمبێلێک ژمارەی پێ نەدراوە و هیچ بڕیارێکی نوێش دەربارەی ئەو ئۆتۆمبێلانە نییە."
هاتووچۆی هەولێر لە ڕوونکردنەوەکەدا داوا لە هاووڵاتیان دەکات "بە وریاییەوە مامەڵە بکەن و سەرمایەی خۆیان لەو جۆرە ئۆتۆمبێلانە بەفیڕۆ نەدەن کە مەرجەکانی سەلامەتیان تێدا نییە و تۆمار ناکرێن."
کۆمێنت (0)
تا ئێستا هیچ کۆمێنتێک نەکراوە.