راگەیاندنی ئیدارەی سەربەخۆی سۆران بڵاویكردۆتەوە كە ئەمڕۆ پێنجشەممە، مەلامستەفا بارزانی، بە یاوەری هەڵگورد شێخ نەجیب، سەرپەرشتیاری ئیدارەی سەربەخۆی سۆران، بە مەبەستی لە نزیكەوە ئاگادار بوون لە زیانەكانی لافاو و رەوشی ژیانی هاوڵاتییان سەردانی گوندی سێلكێ لە سنووری قەزای مێرگەسۆر كرد.
لە سەردانەكەدا، هەریەك لە قائیمقامی قەزای مێرگەسۆر و جێگری سەرپەرشتیار بۆ كاروباری كارگێڕی و بەڕێوەبەری ناحییەی شێروان و تیمەكانی پاكردنەوە و پاراستنی رێگاوبانی سۆران ئامادەبوون.
مەلامستەفا بارزانی تیمەكانی بەرگری شارستانی راسپارد بۆ هاوكاریكردنی هاوڵاتیان و پاراستنی سەلامەتییان.
کۆمێنت (0)
تا ئێستا هیچ کۆمێنتێک نەکراوە.