ئه‌مڕۆ پێنجشه‌م به‌هۆی هه‌رزانبوونی نرخی ئارده‌وه، له شارۆچكه‌ی ڕانییه بڕیاری نوێ بۆ نرخ و قه‌باره‌ی فرۆشتنی نان و كولێره ده‌رچوو.
قایمقامییه‌تی رانییه دوای هه‌رزانبوونی نرخی ئارد، ئه‌مڕۆ پێنجشه‌م ئاگادارییه‌كی نوێی بۆ سه‌رجه‌م نانه‌واخانه و كولێره‌خانه‌كانی سنووری شارۆچكه‌كه‌یان بڵاو كرده‌وه.
له ئاگادارییه‌كه‌دا قایمقامییه‌تی رانییه داوای له نانه‌واخانه‌كان كردووه نرخی 8 نان بە هه‌زار دینار بده‌ن، هه‌روه‌ها کێشی هه‌ر نانێكیش 100 گرام بێت.
به‌هه‌مانشێوه داوای له كولێره‌خانه‌كان كردووه نرخی 8 کولێرە بە هه‌زار دینار بده‌ن و بە کێشی 100 گرام.
قایمقامییه‌تی رانییه جه‌ختیشی كردۆته‌وه كه ئه‌م بڕیاره له سبه‌ی هه‌ینی ڕێكه‌وتی 14/4/2023 ده‌كه‌وێته بواری جێبه‌جێكردنه‌وه.
ئاماژه‌ی به‌وه‌شداوه كه ئه‌م بڕیاره‌یان به‌هۆی هه‌رزانبوونی نرخی ئارده‌وه ده‌ركردووه، جه‌ختیشی كرده‌وه كه لێژنە هاوبەشەکانی قائیمقامییەتی ڕانیە رادەسپێردرێن بۆ بەدواداچوون و ئیجرائات بكه‌ن لە کاتی پابەند نەبوونی خاوەن پیشەکان .
کۆمێنت (0)
تا ئێستا هیچ کۆمێنتێک نەکراوە.