یانه‌ی هه‌ولێر نرخی پلیتی شوێنی ڤی ئای پی له‌نێو یاریگه‌ دیاری كرد

یانه‌ی هه‌ولێر نرخی پلیتی سه‌یركردنی یاریی له‌نێو یاریگه‌ی شه‌هید فڕه‌نسۆ هه‌ریری له‌ شوێنه‌كانی (VVIP - VIP) دیاری كرد.

سبه‌ی هه‌ینی له‌ قۆناغی 16ی پاڵه‌وانیه‌تیی جامی عێراق، یانه‌ی هه‌ولێر له‌نێو یاریگه‌ی شه‌هید فڕه‌نسۆ هه‌ریری ڕووبه‌ڕووی یانه‌ی نه‌فتی وه‌سه‌ت ده‌بێته‌وه‌، یارییه‌كه‌ش كاتژمێر 9:30ی شه‌و به‌ڕێوه‌ ده‌چێت.

یانه‌ی هه‌ولێر ڕایگه‌یاند: دەستەی کارگێڕیی یانەکەمان بڕیاری دا بە دیاریکردنی نرخی پلیتی سەیرکردنی یاری لە بەشی (VVIP - VIP)  یاریگای فەڕەنسۆ هەریری بۆ یاریی کاتژمێر (9:30)ی سبەی شەوی یانەکەمان.

ڕاشیگه‌یاند: نرخی پلیتی VIP بریتییه‌ له‌ 25 هه‌زار دینار.

ئاماژه‌ی به‌وه‌ش دا كه‌ نرخی VVIP بریتییه‌ له‌ 50 هه‌زار دینار.