له دوا ديداريدا له ڕۆما، ئێواره‌ى ئه‌مڕۆ پێنجشه‌م نێچيرڤان بارزانى سه‌رۆكى هه‌رێمى كوردستان له‌گه‌ل گویدۆ کرۆسێتۆ وه‌زيرى به‌رگريى ئيتاليا، سوپاس و پێزانينى بۆ هاوكارى و پشتگيريى سه‌ربازيى ئيتاڵيا بۆ پێشمه‌رگه له شه‌ڕى دژى داعش ده‌ربڕى و خواستى عێراق و هه‌رێمى كوردستانى بۆ به‌رده‌واميى هاريكاريى هاوبه‌ش له بوارى ئه‌منى و سه‌ربازيدا له‌گه‌ڵ ئيتاڵيا نیشان دا.
لاى خۆيه‌وه وه‌زيرى به‌رگريى ئيتاڵيا ستايش و پێزانينى وڵاته‌كه‌ى بۆ ڕۆڵى هه‌رێمى كوردستان له باشتركردنى سه‌قامگيريى ئه‌منى عێراق و ناوچه‌كه و به‌ره‌نگاربوونه‌وه‌ى تيرۆر كرد، هه‌روه‌ها سوپاسى هه‌رێمى كوردستانى كرد بۆ هاوكارى و هه‌ماهه‌نگى له‌گه‌ڵ هێزه‌كانى ئيتاڵيا له هه‌رێمى كوردستان.
هه‌ردوولا خواستيان بۆ به‌رده‌واميى هاريكاريى ئه‌منى و به‌ره‌نگاربوونه‌وه‌ى تيرۆر ده‌ربڕى و هاوڕابوون كه دۆخى ئابوورى و سه‌قامگيريى ئه‌منى پێكه‌وه گرێدراون، بۆيه گرینگه ئابووريى عێراق و هه‌رێمى كوردستان پته‌و بكرێت.
هه‌روه‌ها بيروڕايان ده‌رباره‌ى دوايين پێشهاته‌كانى ناوچه‌كه گۆڕييه‌وه.
کۆمێنت (0)
تا ئێستا هیچ کۆمێنتێک نەکراوە.