شه‌وی ڕابردوو له ئاهه‌نگێكی له دایكبوون له شاری دادفیڵ له هه‌رێمی ئه‌لاباما له ئه‌مه‌ریكا ته‌قه كرا و به‌هۆیه‌وه 4 كه‌س گیانیان له‌ده‌ست دا و چه‌ندانی دیكه‌ش بریندار بوون.
میدیاكانی ئه‌مه‌ریكا بڵاویان كرده‌وه: شه‌وی ڕابردوو كه‌سێك له هۆڵێكدا له كاتی ئاهه‌نگی له‌دایكبوون له هه‌رێمی ئه‌لاباما ته‌قه‌ی به‌نێو ئاماده‌بوواندا كردووه.
بڵاویشیان كرده‌وه: له ئه‌نجامی ته‌قه‌كاندا 4 كه‌س كوژراون و زیاتر له 20 كه‌سی دیكه‌ش بریندار بوون.
ئاماژه‌یان به‌وه‌ش دا: ڕووداوه‌كه كاتژمێر 10:30ی شه‌و به‌كاتی ئه‌مه‌ریكا ڕوویداوه و تا ئێستاش هۆكاری ته‌قه‌كردنه‌كه و خودی ته‌قه‌كه‌ره‌كه دیار نین و نازانرێ له‌نێو ده‌ستگیركراوانه یاخود نا.
کۆمێنت (0)
تا ئێستا هیچ کۆمێنتێک نەکراوە.