سەرچاوەیەك لە گوندە سنورییەكانی دەشتی هێرت و گەڵی شێخ زادان بەكوردستان تیڤی ڕاگەیاند: بەیانی ئەمڕۆ سێشەممە 18/4/2023/ سەربازانی سوپای توركیا چوونەتە چیای زراران و گەرووی كایەرەشك كە شوێنی كاروكاسبی هاووڵاتیانە بۆ كۆكردنەوەی گیابەهارییەكان لەوێ ڕێگریان لە كاسبكاران كردووە و نەیان هێشت بچنە شاخەكانی ئەو سنوورەو گژوگیای بەهاری بهێنن .
ئەو سەرچاوەیە ئاماژەی بەوەش كرد كە بۆ یەكەم جارە سوپای توركیا دەچێتە ئەم شوێنە و تاوەكو ئێستا سەربازانی توركیا هەر لەوشوێنە ماوەتەوە و ڕێگری لە هاووڵاتیان دەكەن .
جێگای باسە لەساڵانی ڕابردوو بە هۆی هەبوونی بنكەو بارەگاكانی پەكەكە، سوپای توركیا بەقووڵای 30 كیلۆمەتر هاتۆتە ناوخاكی هەرێمی كوردستان و چەندان سەربازگەی لە سەرلوتكەی شاخ و بەرزایەكانی خواكوڕك و دەشتی هێرت و بەرازگر جێگیر كردوون.
مەهدی داود/ پەیامنێر
کۆمێنت (0)
تا ئێستا هیچ کۆمێنتێک نەکراوە.