به‌م ئێواره‌یه‌ نرخی دۆلار به‌شێوه‌یه‌كی به‌رچاو دابه‌زیوه‌

ئێواره‌ی ئه‌مڕۆ پێنجشه‌م به‌های دۆلار به‌رامبه‌ر به‌ دیناری عێراقی له‌ شاره‌كانی هه‌رێمی كوردستان و سه‌رجه‌م پارێزگاكانی عێراق به‌شێوه‌یه‌كی به‌رچاو ڕووی له‌ دابه‌زین كردووه‌.

به‌ر له‌ رۆژئاوابوون، له‌ نووسینگه‌كانی گۆڕینه‌وه‌ی دراوی بیانی له‌ شاری هه‌ولێر به‌های 100 دۆلاری ئه‌مه‌ریكی گه‌یشته‌ 143 هه‌زار و 250 دینار، له‌ شاری سلێمانیش به‌ 143 هه‌زار و 300 بووه.

له‌ به‌غدای پایته‌ختیش به‌های دۆلار زیاتر دابه‌زینی به‌خۆیه‌وه‌ بینیوه‌ و ئێستا 100 دۆلار به‌رامبه‌ره‌ به‌ 142 هه‌زار و 900 دینار، له پارێزگای‌ به‌سڕه‌ی باشووری عێراقیش 100 دۆلار به‌رامبه‌ره‌ به‌ 143 هه‌زار دینار.