به‌ڕێوه‌به‌رایه‌تی گشتیی كه‌شناسی و بوومه‌له‌رزه‌زانی ڕه‌وشی كه‌شوهه‌وای سبه‌ی هه‌ینی و یه‌كه‌م رۆژی جه‌ژنی ڕه‌مه‌زانی پیرۆزی دیاری كرد.
به‌ڕێوه‌به‌رایه‌تییه‌كه ڕایگه‌یاند: پێشبینى دەکرێ سبەى هه‌ینی بەیانییه‌كه‌ی ئاسمانى هەرێم نیمچە هەور بێت و هەندێ کات دەگۆڕێت بۆ هەورى تەواو لەگەڵ بارینى نمەباران و هەورەتریشقە لە کاتەکانى بەیانى زوودا لە ناوچەکانى باکورى هەرێم، پاشان کاریگەرییەکەی درێژ دەبێتەوە بۆ ناوەڕاست و رۆژهەڵات و ئیدارەى ڕاپەڕین و هەندێ ناوچەى گەرمیان
ڕاشیگه‌یاند: هاوکات شەپۆلێکى تۆز و خۆڵ ناوەڕاستى عێراق دەگرێتەوە و کاریگەرییەکەشى بە سووکى دەگاتە هەندێک ناوچەى هەرێم بەتایبەت کەرکووک و گەرمیان و پلەکانى گەرماش (2-3) پلە نزم دەبنەوە.
ئه‌مڕۆ پێنجشه‌م له هه‌ندێ ناوچه‌ی هه‌رێمی كوردستان باران باری، بۆ ئه‌م مه‌به‌سته كه‌شناسی ڕێژه‌ی بارانبارینی 12 كاتژمێری ڕابردووی ناوچه‌كانی به‌مشێوه‌ی خواره‌وه بڵاو كرده‌وه:-
هەولێر: 0.8 ملم
پیرمام: 0.9 ملم
سلێمانى: 6.1 ملم
دهۆک: 0.7 ملم
زاخۆ: 7.3 ملم
ئاکرێ: 0.4 ملم
ئامێدى: 0.8 ملم
بازیان: 0.2 ملم
هەڵشۆ: 4.8 ملم
کانى ماسى: 0.2 ملم
مانگیش: 0.2 ملم
کەرکووک: دڵۆپ دڵۆپ
به‌ڕێوه‌به‌رایه‌تی گشتیی كه‌شناسی و بوومه‌له‌رزه‌زانی ئاماژه‌ی به‌وه‌ش دا كه لەبەرئەوەى لە وەرزی بەهارداین، ئەگەرى گۆڕانکاری هەیە لە کەشوهەوادا، هەروەها ئەگەرى ڕوودانى تاوەباران و هەورەبرووسکەى لەناکاویش هەیە لە هەر ناوچەیەكدا.
کۆمێنت (0)
تا ئێستا هیچ کۆمێنتێک نەکراوە.