پۆلیسی گه‌رمیان ئاشكرای كرد كه ئه‌مڕۆ هه‌ینی و له یه‌كه‌م رۆژی جه‌ژندا كه‌سێك ته‌قه‌ی له سێ كه‌سی تر كردووه.
عه‌قید عه‌لی جه‌مال به‌ڕێوه‌به‌ری ڕاگه‌یاندنی پۆلیسی گه‌رمیان ڕایگه‌یاند: نیوەڕۆی ئەمڕۆ هەینی لە گەڕەکی شەهیدان و له نزیک نەخۆشخانەی شەهید شێرەی نەقیب، تۆمەتبارێک لەسەر ماتۆڕسکیل بە دەمانچە تەقەی لە سێ هاووڵاتی تر كردووه.
ڕاشیگه‌یاند: ته‌قه‌كه‌ره‌كه كێشه‌ی له‌گه‌ڵ یه‌كێك له‌و كه‌سانه هه‌بووه كه ته‌قه‌ی لێ كردوون، به‌ڵام دوو فیشەک بەر هاوڕێیەکی كه‌وتووه کە لەگەڵیدا بووە.
سه‌باره‌ت به ته‌ندروستی برینداره‌كه، عه‌قید عه‌لی جه‌مال گوتی: لە ئێستادا بریندارەکە ڕەوانەی بەشی فریاکەوتنی شەهید هەژار کراوە و چارەسەری پێویستیشی بۆ کراوە.
به‌ڕێوه‌به‌ری ڕاگه‌یاندنی پۆلیسی گه‌رمیان ئاماژه‌ی به‌وه‌ش دا كه پۆلیس دەستی بە لێکۆڵینەوە کردووە و دادوەر فەرمانی دەستگیرکردنی بۆ تۆمەتبار دەرکردووە. جه‌ختیشی كرده‌وه كه له ئێستادا گەڕان بەدوای تۆمەتبار دەستی پێ کردووە.
کۆمێنت (0)
تا ئێستا هیچ کۆمێنتێک نەکراوە.