کەمێک پێش ئێستا؛ ڕووداوێکی هاتووچۆ لەسەر ڕێگەی کەرکووک – داقووق ڕووی دا، بەهۆیەوە باوکێک و دوو منداڵ گیانیان لەدەست دا و 5 کەسی دیکەش بریندارن.
ئەمشەو شەممە 22ـی 04ـی 2023 پێکدادان لەنێوان دوو ئۆتۆمبێل ڕووی دا، هەڵۆ جەباری پەیامنێری (کوردستان تیڤی) لەبارەی ڕووداوەکە پێی ڕاگەیاندین، دوو ئۆتۆمبێل لەڕێگەی نێوان کەرکووک و داقووق پێکیانداداوە.
سەرچاوەیەک لە پۆلیسی کەرکووکیش هەواڵەکەی پشتڕاست کردۆتەوە و ئاماژەی بەوە داوە کە باوکێک لەگەڵ دوو منداڵەکەی گیانیان لەدەست داوە.
ئەو سەرچاوەیەی پۆلیسی کەرکووک ئاماژەی بەوەش داوە کە هەر لەو ڕووداوەی هاتووچۆ 5 کەسی دیکە لە ئۆتۆمبێلەکەی دیکە بەسەختی برینداربوونە.
کۆمێنت (0)
تا ئێستا هیچ کۆمێنتێک نەکراوە.