ملیاردێرێكی ڕووسی پێشبینی كۆتایی هاتنی هەژموونی دۆلار دەكات

ئۆلێگ دێریپاسكا ،بازرگانێكی ڕووسییەو پێشبینی دەكات كە لە ماوەی پێنج ساڵی داهاتوو چیدیكە دۆلار نابێتە دراوی باڵادەستی جیهان.
دێریپاسكا لە كەناڵی تێلێگرام نووسیویەتی: دوای پێنج ساڵ، جیهان هاوسەنگتر دەبێت، ئەكاونتەكان هەمەچەشن دەبن و دراوە كریپتۆكان لەگەڵ یەكتردا دەگونجێن.
ئاماژەی بەوەشكرد، لە سەرەتاوە قورس دەبێت، بەڵام دواتر جیهان كوالیتییەكی نوێ دەدۆزێتەوە و بەڕاستی ئەوە جیهانێكی بێ باڵادەست دەبێت.
ئەو ملیاردێرە ڕووسییە پێیوابوو كە كۆتایی سەردەمی هەژموونی دۆلار بە هۆی بەكارهێنانی وەك چەكێكی تۆڵەسەندنەوە بەرامبەر هەر كەسێك كە بۆچوونێكی جیاوازی هەبێت، دێت.
سەرچاوە: دەزگای تاس