تاڵیبان ڕێگری لە بەشداریكردنی ئافرەتان لە رێوڕەسمەكانی جەژنی ڕەمەزان دەكات

بزووتنەوەی تاڵیبان كە كۆنتڕۆڵی دەسەڵاتی ئەفغانستانی بەدەستەوەیە، ڕێگری لە بەشداریكردنی ئافرەتان لە كۆبوونەوەكانی جەژن لە دوو ناوچەی ئەو وڵاتە كردووە، ئەمەش لە سنوورداركردنی نوێدا كە بزووتنەوەی بناژۆخوازی پەیڕەوی لێدەكات و زیاتر ئازادییە گشتی و تاكەكەسییەكان دەكاتە ئامانج.
بەگوێرەی ڕۆژنامەی "ئیندیپێندنت"ی بەریتانی، دوو تێبینی هاوشێوە دەریانخستووە كە سەركردە ناوخۆییەكانی تاڵیبان لە ناوچەی باغڵان و باكوری ڕۆژهەڵاتی ناوچەی تەخار دەڵێن :قەدەغەیە ئافرەتانلە ڕۆژانی جەژندا بە كۆمەڵ بچنە دەرەوە.
شایانی باسە قەدەغەكردنی خوێندنی كچان لە دوای پۆلی شەشەمی سەرەتایی، هەروەها قەدەغەكردنی ئافرەتانی ئەفغانی لە ژیانی گشتی و كاركردن بۆ ڕێكخراوە ناحكومییەكان و دەزگاكانی نەتەوە یەكگرتووەكان وقەدەغەكردنی ئافرەتان و كچان  بۆ چوونە شوێنە گشتییەكانی وەك پارك و هۆڵەكانی وەرزش، ناڕەزایەتییەكی نێودەوڵەتیی لێكەوتەوە و گۆشەگیریی وڵاتەكەی زیاتر كرد لە كاتێكدا ئابووری وڵاتەكەی لە داڕماندایە و قەیرانە مرۆییەكان لەنێو دانیشتووانی وڵاتەكەیدا توندتر دەبن.