به‌ڕێوه‌به‌رایه‌تی پۆلیسی گه‌رمیان ئاشكرای كرد كه ئه‌و تۆمه‌تبارانه‌یان ده‌ستگیركردووه كه ته‌قه‌یان له سێ كه‌س كردبوو و برینداریان كردبوون.
عه‌قید عه‌لی جه‌مال له ڕاگه‌یاندنی پۆلیسی گه‌رمیان ڕایگه‌یاند: دوای ئەوەی یەکەم ڕۆژی جەژن لە گەڕەکی شەهیدانی شارۆچكه‌ی کەلار و نزیک نەخۆشخانەی شێرەی نەقیب، دوو تۆمەتبار لەسەر ماتۆڕسکیلەوە تەقەیان لە سێ گەنج کردبوو و یەکێکیان بریندار كردبوو.
ڕاشیگه‌یاند: بەڕێوەبەری پۆلیسی گەرمیان بەڕێوەبەری بەشی پۆلیسی کەلاری ڕاسپارد کە هەوڵی تەواو بدەن بۆ دەستگیرکردنی تۆمەتباران.
هه‌روه‌ها ڕایگه‌یاند: دوای لێکۆڵینەوە و بەدواداچوون و سوودبینین لە کامێرای چاودێری، توانرا هه‌ردوو تۆمه‌تباره‌كه ده‌ستگیر بكه‌ن.
ئاماژه‌ی به‌وه‌ش دا كه ئێستا هه‌ردوو تۆمەتباره‌كه دەستگیرکراون و بەپێی مادەی 405\31 بەندکراون و لە بەشی پۆلیسی کەلار لێکۆڵینەوە لەگەڵیان بەردەوامە.
کۆمێنت (0)
تا ئێستا هیچ کۆمێنتێک نەکراوە.