بارستە هه‌وایه‌كی سارد هه‌رێمی كوردستان و عێراق ده‌گرێته‌وه‌ و 6 ڕۆژ به‌رده‌وام ده‌بێت

 ریاز قورەیشی، شارەزای بواری كەشناسی رایگەیاند، بارستە هەوایەكی سارد لە زاخۆوە بەرەو باشووری عێراق هەڵدەكات و هەموو ناوچەكان دەگرێتەوە و لە هەینی داهاتووەوە دەستپێدەكات تا چوارشەممە بەردەوم دەبێت، ئەمەش ئاماژەیە بۆ ئەوەی پلەكانی گەرما لە باشوور دادەبەزن.
 قورەیشی بە میداكانی عێراقی ڕایگەیاند، لە ئێوارەی سبەی هەینییەوە، بارستە هەوایەكی سارد عێراق دەگرێتەوە و كاریگەرییەكەی لە زاخۆوە زیاتر دەبێت، دواتر بەرەو شارەكانی دهۆك ، هەولێر، سلێمانی و نەینەوا، دواتریش بۆ پارێزگاكانی ناوەڕاست و پاشان باشوور دەڕوات و تا ئێوارەی چوارشەممە بەردەوام دەبێت. 
گوتیشی، ئەو بارستەیە دەبێتە هۆی بارانبارینی كەم لە شارەكانی دهۆك و هەولێر و سلێمانی، بەڵام بەرزترین ڕێژەكان باران بارین لە دهۆك دەبێت.
هەروەها بەرێوەبەرایەتی گشتی كەسناسی و بوومەلەرزەزانی هەرێمی كوردستان كەشی پێشبینیكراوی 48 كاتژمێری داهاتووی بڵاوكردەوە كە بەم شێوەیە ..
ئەمڕۆ  پێنج شەممە  27– 4 - 2023  
كەش/  ئاسمان ساماڵ و پەڵە هەور دەبێت پاشان دەگۆڕێت بۆ نیمچە هەور .
پلەكانی گەرما/  بەنزیكەی ( 1 تـــا 2 ) پلە بەرزتر دەبێت لە تۆماركراوەكانی دوێنێ .
خێرای با /  مام ناوەند دەبێت (10  - 20) كم/ك .
ئاراستەی با / باشووری خۆرئاوا دەبێت .
مەودای بینین/ لە نێوان ( 8  –  10  ) كم  دەبێت . 
پلەكانی گەرما / لەسەر نەخشەدا ئاماژەیان پێدراوە .
سبەی هەینی   28– 4 - 2023  
كەش/  ئاسمان پەڵە هەور و نیمچە هەور دەبێت , لە كاتەكانی ئێوارە لە ناوچە شاخاوییەكان ئەگەری كەمێك نمە باران هەیە .
پلەكانی گەرما/ كەمێك بەرزتر دەبێت لە تۆمارەكانی ئەمرۆ  .
خێرای با / لەسەر خۆ - مام ناوەند دەبێت (10  -  20) كم/ك . 
ئاراستەی با / باشووری خۆرئاوا دەبێت .
مەودای بینین/ لە نێوان ( 8  –  10  ) كم  دەبێت . 
بەرزترین پلەكانی گەرمای پێشبینیكراو بە پلەی سیلیزی :
هەولێر     :  30 پلەی سیلیزی
سلێمانی   : 28 پلەی سیلیزی
دهۆك      : 29 پلەی سیلیزی
كەركوك   : 34 پلەی سیلیزی
هەڵەبجە   : 28 پلەی سیلیزی
زاخۆ      :  30 پلەی سیلیزی
سۆران :  26 پلەی سیلیزی
گەرمیان  :  36 پلەی سیلیزی
بەشی پێشبینی      27-  04 -  2023