ڤیدیۆ.. منداڵێك سویچی ئۆتۆمبێلی باوكی دەبات و كارەساتێك دەقەومێنێ 

بەڕێوەبەرایەتی پۆلیسی هاتوچۆی هەولێر رایگەیاند: دوێنێ ئێوارە لە گەڕەكی مامزاوەی هەولێر ،منالێكی بچووك سویچی ئۆتۆمبێلی باوكی دەكەوێتە بەردەست و لەناو كۆڵان سواری ئوتومبێلەكە دەبێت.
هەروەها دەڵێت: لەبەر ئەوەی منداڵەكە لێخوڕین نازانێت، ئوتومبێلەكە بەبەگ بۆ دواوە بە خێراییەكی زۆر دەڕوات و خۆی دەكێشێت بەماتۆڕسكیلێكی سێتایە، كە چەند ئافرەتێك لە لای وەستابوون بۆ شت كڕین، دوو لە ئافرەتەكانیش كەوتنە ژێر ماتۆڕسكیل و ئۆتۆمبێلەكەوە بە سەختی زامدار بوون.
 هاوكات پۆلیسی هاتوچۆی هەولێر، تكا دەكات كە دەبێ سویچی ئۆتۆمبێل لە ژێر دەستی منداڵان دووربێت.