لیژنه‌كانی قایمقامییه‌تی سلێمانی به‌ره‌به‌یانی ئه‌مڕۆ هه‌ینی گۆشتفرۆشێكیان به‌خۆی و 100 كیلۆگرام گۆشته‌وه گرت، به‌نیازبوو گۆشته‌كان كه نایاسایی و بێ مۆر بوون، له بازاڕدا بفرۆشێت.
قایمقامییه‌تی سلێمانی ڕایگه‌یاند: ئەمشەو كاتژمێر (01:00)ـی شەو، بەهۆی پابەندنەبوون بە مەرج و رێنماییەکانی کارکردن و ساغکردنەوەی گۆشتی بێ مۆر، لیژنە هاوبەشەکان گۆشتفرۆشی گۆڵێ لە گەڕەکی ئیبراهیم ئەحمەدیان داخست و خاوەنەکەشی رووبەڕووی رێکاری یاسایی دەکەنەوە.
ڕاشیگه‌یاند: لە کاتی سەردانی لیژنەکەدا دەست بەسەر زیاتر لە (100) کیلۆگرام گۆشتی بێ مۆر گیرا کە خاوەنەکەی بەنیازبووە بە هاووڵاتییانی بفرۆشێت.
ئاماژه‌ی به‌وه‌ش دا كه فرۆشتنی گۆشتی بێ مۆر، پێچەوانەی رێنماییەکانی ڤێتێرنەرییە و پێویستە ئاژەڵ لە سەربڕخانەکان سەرببڕێت و لەلایەن دکتۆرەکانی سەربڕخانەوە پشکنینی بۆ بکرێت، پاشان مۆر بکرێت و بخرێتە بازاڕەوە.
کۆمێنت (0)
تا ئێستا هیچ کۆمێنتێک نەکراوە.