وه‌زاره‌تی ئه‌وقاف و كاروباری ئایینی هه‌رێمی كوردستان سه‌باره‌ت به هێرشه‌كه‌ی دوێنێ پێنجشه‌م بۆ سه‌ر مزگه‌وتێك له ده‌ڤه‌ری شه‌نگال ڕاگه‌یه‌نراوێكی بڵاو كرده‌وه و تێیدا ئاماژه‌ی به‌وه دا كه ئه‌مه ھەوڵێکی پلاندارێژراوە بۆ تێکدانی ئاشتی کۆمەڵایەتی و ئایینی لە ناوچەکە.
وه‌زاره‌تی ئه‌وقاف له ڕاگه‌یه‌نراوه‌كه‌دا ڕایگه‌یاند: دوێنێ پێنجشەم لە ئەنجامی گرژی و ئاڵۆزی دەڤەری شەنگال دژی گەڕانەوەی ژماریەک خێزانی عەرەب بۆ دەڤەرەکە، ئاڵۆزی کەوتۆتەوە بەھۆیەوە ژمارەیەک کەس ھێرشیان کردۆتە سەر حەڕەمی مزگەوتی شارەکە.
ڕاشیگه‌یاند: ئێمە لە وەزارەتی ئەوقاف و کاروباری ئایینی بە توندی ئیدانەی بێڕێزی و دەستدرێژیکردنەوە سەر مزگەوت و ھەر ناوەندێکی تری ئایینی دەکەین.
هه‌روه‌ها ڕایگه‌یاند: پێمانوایە ئەم کارە ناڕەوایە دوورە لە ئاداب و نەریت و خوڕەوشتی ڕەسەنی ئایینی و کوردەواری و ھەوڵێکی پلان دارێژراوە بۆ تێکدانی ئاشتی کۆمەڵایەتی و ئایینی لە ناوچەکەدا.
جه‌ختیشی كرده‌وه كه ھەموو ئەو لایەنانەی لێ ناگەڕێن دۆخی شەنگال ئاسایی بکرێتەوە، بەرپرسی یەکەمی ڕووداوەکەن کە بەردەوام ڕۆڵیان لە ئاژەوەگێڕی دەڤەرەکەدا ھەیە و هه‌روه‌ها ئەم جۆرە کردەوانە پلانی کەسین و پەیوەندییان بە ھیچ ئاینێکەوە نییە.
داواشی لە لایەنی پەیوەنداره‌كانی حکوومەتی عێراقی فیدراڵ كرد بەرپرسانە مامەڵە لەگەڵ دۆخی شەنگال بکەن و بکەرانی ڕووداوەکە دەستنیشان بکەن و ڕووبەڕووی سزای یاسایی خۆیان بکەنەوە .
کۆمێنت (0)
تا ئێستا هیچ کۆمێنتێک نەکراوە.