ئه‌مڕۆ شه‌موو لە دیوانی وەزارەتی بازرگانی و پیشەسازی لە هەولێر بە ئامادەبوونی بەڕێوەبەری گشتی بازرگانی و ژمارەیەک لە بەڕێوەبەرەکانی ئەو بەڕێوەبەرایەتییە لەگەڵ بەڕێوەبەری گشتی کۆمپانیای بازرگانی دانەوێڵەی بەغدا کۆبوونەوەیەکی هاوبەش ئەنجامدرا .
لە کۆبوونەوەكەدا باس لە چۆنیەتی خۆئامادەکردن بۆ پرۆسەی وەرگرتنی گەنمی جوتیاران و پابەندبوونیان بە ڕێنماییەکانی هەردوو وەزارەت و دابینکردنی پێداویستییەکانی ئەو پرۆسەیە و هەوڵەکان بۆ ئامادەکاری پێشوەختە کرا.
لەلایەکی ترەوە بە مەبەستی زیاتر هاوکاریکردنی فەرمانبەرانی ئەو بەڕێوەبەرایەتییانە، لەچوارچێوەی ئەو لەیەکتێگەیشتنەی لە ڕابردوو لەنێوان بەڕێوەبەرایەتی گشتی بازرگانی و بەڕێوەبەرایەتی گشتی کۆمپانیاکانی بازرگانی خۆراک و کۆمپانیای گشتی دروستکراوی دانەوێڵە واژۆ کرابوو، پاداشت درایە فەرمانبەرانی ژمارەیەک لە بەڕێوەبەرایەتییەکان کە لە ڕێگه‌ی نوێنەرەکانیان وەرگیرا .
کۆمێنت (0)
تا ئێستا هیچ کۆمێنتێک نەکراوە.