به‌ڕێوه‌به‌رایه‌تی ئاسایشی هه‌ولێر ئاشكرای كرد كه 6 كه‌سیان به‌هۆی ڕووداوی ته‌قه‌كانی ئه‌م ئێواره‌یه‌ی شه‌قامی 60 مه‌تری شاری هه‌ولێر ده‌ستگیر كردووه.
ئاسایشی هه‌ولێر ڕایگه‌یاند: رووداوی تەقەکردنه‌كه‌ی ئەم ئێوارەیەی شەقامی 60 مه‌تری شاری هه‌ولێر لەنێوان دوو خێزان بووه کە پێشتر کێشەی کۆمه‌ڵایەتی لەنێوانیاندا هەبووە.
ڕاشیگه‌یاند: دوای ڕووداوه‌كه، هێزە هاوبەشەکانی ئاسایش و پۆلیسی هەولێر دەستبەجێ گەیشتنە شوێنی رووداو و لەسەر فەرمانی دادەوری لێکۆلینەوە 6 کەس لە تۆمەتبارانی رووداوەکە دەستگیر کران.
به‌ڕێوه‌به‌رایه‌تی ئاسایشی هه‌ولێر جه‌ختیشی كرده‌وه كه هه‌ر شه‌ش كه‌سه‌كه دەدرێنە دادگا بۆ وەرگرتنی سزای یاسایی خۆیان.
کۆمێنت (0)
تا ئێستا هیچ کۆمێنتێک نەکراوە.