بەڕێوەبەرایەتی کاروباری یاسایی وەزارەتی پەروەردە جەخت دەکاتەوە کە سکاڵاکار دەبن لەسەر هەر کەس و باندێک کە بانگەشەی نایاسایی لەبارەی تاقیکردنەوەکان بکات و ڕووبەڕووی دادگەی دەکەینەوە.
ئەمڕۆ یەکشەممە 30ـی 04ـی 2023 بەڕێوەبەرایەتی کاروباری یاسایی وەزارەتی پەروەردەی هەرێمی کوردستان ڕاگەیەنراوێکی بڵاو کردۆتەوە سەبارەت بە دەستگیرکردنی باندە فریودەرەکان و ئاماژەی بەوە داوە کە "لە چەند ڕۆژی ڕابردوودا هێزەکانی ئاسایشی ناوخۆ لە پارێزگای هەولێر و سلێمانی، لەسەر سکاڵای یاسایی وەزارەتی پەروەردە، چەندین باندی فریودەریان دەستگیر کردووە کە لە تۆڕەکۆمەڵایەتییەکان قوتابییان فریو دەدەن بە بەکارهێنانی ئامێرە ئەلیکترۆنییەکان بۆ گزیکردن (غەش)."
بەڕێوەبەرایەتی کاروباری یاسایی وەزارەتی پەروەردە جەختی کردۆتەوە کە "بەمەبەستی بەدیهێنانی دادپەروەری سکاڵاکاردەبین لەسەر هەر کەس و باندێک، کە بانگەشەی نایاسایی لەبارەی تاقیکردنەوەکان بکات و ڕووبەڕووی دادگەیان دەکەینەوە."
کۆمێنت (0)
تا ئێستا هیچ کۆمێنتێک نەکراوە.