ڤیدیۆیەك كە لەنێو چالاكوانانی تۆڕە كۆمەڵایەتییەكان لە سعودییە بڵاوبووەتەوە، ساتێكی ترسناك پیشان دەدات، كە دوو ئۆتۆمبێل لە ئاراستەی پێچەوانەوە پێكدادەدەن و بەوهۆیەوە شەش كەسی یەك خێزانێك گیان لەدەست دەدەن.
لەوبارەیەوە ماڵپەڕی ناوخۆیی "سبق" ڕایگەیاندووە كە ڕووداوەكە لەسەر ڕێگای بەستنەوەی پارێزگای تایف و ناوچەی بەها لە باشووری ڕۆژئاوای شانشینی سعودییە ڕوویداوە.
ڕاپۆرتەكان ئاماژە بەوە دەكەن كە دایك و باوكی قوربانییەكان و سێ برای دیكە لە دۆخێكی سەختدا گەیەندراونەتە نەخۆشخانە، هاوكات شۆفێری ئۆتۆمبێلەكەی دیكەش گیانی لەدەستداوە.
سالم ئەلغامدی مامی قوربانییەكان دەڵێت: لە كاتی گەڕانەوەی بنەماڵەی ئەحمەدی برام لە مەدینەوە بۆ بەها و لەگەڵ گەیشتنیان بۆ سەر ڕێگای بەستنەوەی بەها و تایف، هاتوچۆیەكی پڕ لە ئازار ڕوویدا كە 6 خوشك و برا گیانیان لەدەستدا، گەورەكەیان تەمەنی حەڤدە ساڵ بوو و بچووكترینیان تەمەنی دوو ساڵ و نیو بوو.
حادث بين الطائف والباحة pic.twitter.com/ilRvcIOkQf
— القعقاع (@AlQaqaaT) May 2, 2023
کۆمێنت (0)
تا ئێستا هیچ کۆمێنتێک نەکراوە.