به‌ڕێوه‌به‌رایه‌تی پۆلیسی پارێزگای دهۆك داوا له هاووڵاتییان ده‌كات هه‌ر كه‌سێك زانیاری له‌سه‌ر ئه‌و كچه هه‌بێت ئاگادارییان بكه‌نه‌وه.
هێمن سلێمان گوته‌بێژی پۆلیسی دهۆك ده‌ڵێت: ئه‌مڕۆ سێشه‌م كاتژمێر 3ی دوای نیوه‌ڕۆ هاووڵاتییه‌ك به‌ناوی سلێمان جه‌میل له بنكه‌ی پۆلیسی قه‌سرۆك ئاماده‌بوو و هه‌واڵی بزربوونی كچه‌كه‌ی به پۆلیس دا.
ڕاشیگه‌یاند: هاووڵاتییه‌كه گوتوویه‌تی كه له كاتژمێر 5ی به‌ره‌به‌یانی ئه‌مڕۆ كچه‌كه‌ی به‌ناوی (هودا) له ماڵ ده‌ركه‌وتووه و تا ئێستا هیچ زانیارییه‌كیان له‌سه‌ر نییه و بێ سه‌روشوێنه.
هێمن سلێمان ئاماژه‌شی دا: له‌سه‌ر بڕیاری دادوه‌ری لێكۆڵینه‌وه له ئێستادا گه‌ڕان و به‌دواداچوونه‌كانی پۆلیس بۆ دۆزینه‌وه‌ی كچه‌كه ده‌ستی پێ كردووه.
گوته‌بێژی پۆلیسی دهۆك وێنه‌ی كچه‌كشی بڵاو كردۆته‌وه و داوای له هاووڵاتییان كردووه هه‌ر كه‌سێك زانیاری له‌سه‌ر شوێنه‌كه‌ی هه‌بێت ئاگادارییان بكه‌نه‌وه.
کۆمێنت (0)
تا ئێستا هیچ کۆمێنتێک نەکراوە.