لە قەزای کۆیە زیندانییەک لەدەست پۆلیس هەڵاتووە و تاوەکو ئێستا دەستگیر نەکراوەتەوە.
ئەمڕۆ سێشەممە 02ـی 05ـی 2023 لە قەزای کۆیە زیندانییەک لەدەست هێزەکانی پۆلیس ڕایکردووە، بەپێی زانیارییەکانی (کوردستان تیڤی) ئەمە لەکاتێکدایە کە لە پۆلیس دۆسیەکەی داخرابوو، بەڵام لە ئاسایش تۆمەتی دیکەی لەسەر بووە.
هەر بەپێی زانیارییەکان، ڕاکردنی زیندانییەکە لە کاتێکدابووە کە لە بنکەیەکی پۆلیسەوە گواستراوەتەوە بۆ ئاسایش، لە ڕێگەدا زیندانییەکە ڕایکردووە.
هاوکات هەموو هێزە ئەمنییەکانی کۆیە ئاگادار کراونەتەوە تاوەکو بەزووترین کات تۆمەتبارەکە بدۆزرێتەوە و دەستگیر بکرێتەوە.
کۆمێنت (0)
تا ئێستا هیچ کۆمێنتێک نەکراوە.