دوای دەرچوونی فەرمانی هەرێمی لە سەرۆکایەتیی هەرێمی کوردستان و رەزامەندی سەرۆکی حکوومەتی هەرێمی کوردستان، ئه‌مڕۆ سێشه‌م خشتەکانی پلە بەرزکردنەوەی ساڵانی 2020 و 2021 لەگەڵ پاشکۆی خشتەکانی پلە بەرزکردنەوەی ساڵانی 2018 و 2019ی ئەفسەرانی سەر بە وەزارەتی پێشمەرگە گەڕایەوە وەزارەت.
ئه‌مڕۆ سێشه‌م دوای بڕینی رێکارە یاساییەکان خشتەکانی پلە بەرزکردنەوەی نەورۆز و ئەیلوولی هەردوو ساڵەکانی 2020 و 2021ی ئەفسەرانی وەزارەتی پێشمەرگە گەڕایەوە وەزارەتی پێشمەرگە و لەلایەن فەریق روکن عیسا عوزێر سەرۆکی ئەرکانی وەزارەتی پێشمەرگەوە واژۆی لەسەر کرا.
لەمبارەیەوە سەرۆکی ئەرکان رایگەیاند: هەموو هەوڵێک دەدەین بۆ ئەوەی بە زووترین کات خشتەکانی پلە بەرزکردنەوەی ئەفسەرانی هێزەکانی (70 و 80)ش وەک دیوانی وەزارەت، رێچکەی یاسایی خۆی وەربگرێت و فەرمانی پلە بەرزکردنەوەی ئەوانیش دەربچێت.
سەرۆکی ئەرکان دڵنیاییشی دا کە کار بۆ تەواوکردنی خشتەکانی نەورۆز و ئەیلوولی ساڵی 2020و نەورۆزی ساڵی 2023ی هێزی پێشمەرگەی کوردستان دەکرێت و بەپێی پێویست و لە کاتێکی گونجاودا، فەرمانی پلە بەرزکردنەوەی ئەوانیش دەردەچێت.
کۆمێنت (0)
تا ئێستا هیچ کۆمێنتێک نەکراوە.