گوته‌بێژی به‌ڕێوه‌به‌رایه‌تی پۆلیسی پارێزگای دهۆك ئاشكرای كرد كه كچه ونبووه ته‌مه‌ن 13 ساڵییه‌كه‌ی شاره‌دێی قه‌سرۆك سه‌ر به پارێزگاكه‌یان دۆزییه‌وه.
هێمن سلێمان گوته‌بێژی پۆلیسی دهۆك ڕایگه‌یاند: سوپاسی هاوكاری هاووڵاتییان ده‌كه‌ین له دۆزینه‌وه‌ی كچه ته‌مه‌ن 13 ساڵییه‌كه‌ی شاره‌دێی قه‌سرۆك.
ڕاشیگه‌یاند كچه‌كه كه ناوی هودایه، به سه‌لامه‌تی دۆزراوه‌ته‌وه و ڕاده‌ستی كه‌سوكاره‌كه‌ی كراوه‌ته‌وه.
هێمن سلێمان پێشتر ڕایگه‌یاندبوو كه ئه‌مڕۆ سێشه‌م كاتژمێر 3ی دوای نیوه‌ڕۆ هاووڵاتییه‌ك به‌ناوی سلێمان جه‌میل له بنكه‌ی پۆلیسی شاره‌دێی قه‌سرۆك ئاماده‌بوو و هه‌واڵی بزربوونی كچه‌كه‌ی به پۆلیس دا.
ئاماژه‌ی به‌وه‌شدابوو كه هاووڵاتییه‌كه گوتوویه‌تی له كاتژمێر 5ی به‌ره‌به‌یانی ئه‌مڕۆ كچه‌كه‌ی به‌ناوی (هودا) له ماڵ ده‌ركه‌وتووه و تا ئێستا هیچ زانیارییه‌كیان له‌سه‌ر نییه و بێ سه‌روشوێنه.
گوته‌بێژی پۆلیسی دهۆك وێنه‌ی كچه‌كه‌ی بڵاو كردبووه‌وه و داوا له هاووڵاتییان كردبوو هه‌ر كه‌سێك زانیاری له‌سه‌ر هه‌بێت ئاگادارییان بكاته‌وه.
کۆمێنت (0)
تا ئێستا هیچ کۆمێنتێک نەکراوە.