نرخی نه‌وت به‌شێوه‌یه‌كی به‌رچاو ڕووی له‌ دابه‌زین كرد

ئه‌مڕۆ سێشه‌م‌ نرخی نه‌وت له‌ بازاڕه‌كانی جیهان به‌رده‌وام رووی له‌ دابه‌زین بووه‌ و به‌شێوه‌یه‌ك كه‌ سه‌رله‌ئێواره‌ ڕێژه‌ی زیاتر له‌ 5%ی نرخه‌كه‌ی له‌ده‌ستداوه‌.

له‌ سه‌رله‌ئێواره‌ له‌گه‌ڵ داخستنی بازاڕه‌كان نرخی هه‌ر به‌رمیلێك نه‌وتی برێنت ڕێژه‌ی 5.16%ی نرخه‌كه‌ی له‌ده‌ست دا و گه‌یشته‌ 75.3 دۆلار.

به‌هه‌مانشێوه‌ نرخی نه‌وتی خاوی تێكساسی ئه‌مه‌ریكیش دابه‌زی و ڕێژه‌ی 5.05%ی نرخه‌كه‌ی كه‌مبووه‌وه‌، ئێستا هه‌ر به‌رمیلێك ئه‌م جۆره‌ نه‌وته‌ به‌ 71.95 دۆلار مامه‌ڵه‌ی پێوه‌ ده‌كرێ.

 ئه‌مه‌ له‌كاتێكدایه‌ كه‌ له‌ ئادار (مانگی سێ)ی ڕابردووه‌وه‌ ئه‌مه‌ یه‌كه‌مجاره‌ نرخی نه‌وت له‌ بازاڕه‌كانی جیهان بۆ خوار نرخی 76 دۆلار دابه‌زێت.