سزای لەسێدارەدان بۆ 6 تیرۆریست دەركرا

ئەنجوومەنی باڵای دادوەریی عێراق رایگەیاند كە دادگای تاوانەكانی رەسافە، سزای لەسێدارەدانی بۆ تیرۆریستێكی داعش بەتۆمەتی كوشتنی دوو سەربازی سوپای عێراق دەركردووە.
ئەنجوومەنی باڵای دادوەریی لە راگەیەندراوێكدا ئاماژەی بەوەداوە، تیرۆریستێك بەتۆمەتی كوشتنی دوو سەربازی سوپای عێراقی لە پارێزگای ئەنبار لەلایەن دادگای تاوانەكانی رەسافەوە، سزای لەسێدارەدانی بۆ دەركراوە.
راشیگەیاندووە كە سزاكە، پشت بەستن بە ماددەی چواری تیرۆر دەركراوە.
دوێنێ سێشەممە، ئەنجوومەنی باڵای دادوەریی رایگەیاند كە دادگای تاوانەكانی كەرخ سزای لەسێدارەدانی بۆ پێنج تیرۆریستی دیكە دەركرد بەتۆمەتی ئەوەی كە بەشدارییان كردبوو لە تەقاندنەوەی بۆمبی چێنراو لە ناوچەی كازمییە باكووری بەغدا.