له سه‌ردانه‌كه‌ی ئه‌مڕۆ چوارشه‌مدا، ئیبراهیم ڕه‌ئیسی سه‌رۆكی ئێران بۆ دیمه‌شق یاداشتنامه‌كی هاوكاری له‌گه‌ڵ به‌شار ئه‌سه‌د سه‌رۆكی سووریا له بواره‌كانی نه‌وت و كشتوكاڵیان واژوو كرد.
میدیاكانی سووریا بڵاویان كرده‌وه: یاداشتنامه هاوكارییه‌كه‌ی نێوان ئه‌سه‌د و ڕه‌ئیسی بۆ مه‌ودا و ماوه‌یه‌كی درێژه له‌نێوان هه‌ردوو وڵاتی سووریا و ئێران و جگه له بواره سه‌ره‌كییه‌كانی نه‌وت و كشتوكاڵ، زۆرێك له بواره جیاجیاكانی تریش ده‌گرێته‌وه.
بڵاویشیان كرده‌وه: به‌گوێره‌ی یاداشته‌كه بۆ له‌مه‌ودوا هه‌ردوو وڵات هاوكاری یه‌كتر ده‌كه‌ن له زۆرێك بواردا له‌وانه هێڵی شه‌مه‌نده‌فه‌ر و دانپێدانانی بڕوانامه‌ی ده‌ریایی له‌نێوان هه‌ردوو وڵات و پیشه‌سازی و بازرگانی و چه‌ندان بواری گرینگی تر.
ئه‌مڕۆ چوارشه‌م ئیبراهیم ڕه‌ئیسی سه‌رۆك كۆماری ئێران به سه‌ردانێكی فه‌رمی و دوو ڕۆژه گه‌یشته فڕۆكه‌خانه‌ی دیمه‌شقی پایته‌خت و له‌گه‌ڵ به‌شار ئه‌سه‌د سه‌رۆكی سووریا كۆبووه‌وه.
کۆمێنت (0)
تا ئێستا هیچ کۆمێنتێک نەکراوە.