قائیمقامییەتی سلێمانی بڵاویكردۆتەوە كە بەهۆی پابەندنەبون بەمەرج و رێنماییەكانی كاركردن، لیژنە هاوبەشەكانی قائیمقامیەتی سلێمانی ئارایشتگای بزە لە گەڕەكی سلێمانی تازە دادەخات.
قائیمقامییەتی سلێمانی دەڵێت: لەكاتی سەردانی لیژنەكە دەركەوتووە ئارایشتگای بزە مۆڵەتی هیچ یەكێك لە تەندروستی و قائیمقامییەتی نییە، هاوكات كاری دروستكردنی تاتۆ بەبێ مۆڵەت دەكات، كە ئەمەش سەرپێچییە و بەفەرمانی قائیمقامی سلێمانی ئارایشتگاكە دادەخرێت و خاوەنەكەشی رووبەڕووی رێكاری یاسایی دەكرێتەوە.
بەپێی رێنماییەكانی وەزارەتی تەندروستی، پێویستە ئەو كەسەی تاتۆ دروست دەكات خاوەنی بڕوانامە بێت و لەلایەن وەزارەتی تەندروستییەوە مۆڵەتی كاركردنی وەرگرتبێت، بەپێچەوانەوە لەلایەن لیژنە هاوبەشەكانی قائیمقامیەتی سلێمانییەوە رووبەڕووی رێكاری یاسایی دەكرێتەوە.
هۆكاری داخستنی ئارایشتگایەك لە سلێمانی ئاشكرا كرا ..بزانە چ كارێكی كردووە
100%
کۆمێنت (0)
تا ئێستا هیچ کۆمێنتێک نەکراوە.