لەسەر ڕێگای جووتسایدی بەرامبەر ئیدارەی گەرمیان بەهۆی پێكدادانی دوو ئۆتۆمبێلەوە شەش كەس برینداربوون
هاتووچۆی گەرمیان رایگەیاند: بەیانی ئەمڕۆ بەرامبەر ئیدارەی گەرمیان، دوو ئۆتۆمبێلی جۆری نیسان سەنی و مسیوبوشی دەبڵ پێكیاندادا بەهۆیەوە (6)شەش كەس بریندار بوون و سەرجەم بریندارەكانیش گواسترانەوە بۆ نەخۆشخانە.
هەروەها هاتووچۆی گەرمیان دەڵێت:چوار لەبریندارەكان ئافرەتێك و سێ منداڵە لە ئۆتۆمبێلی جۆری مسیوبوشی دابوون و دوو بریندارەكەی دیكەش شۆفێر و سەرنشینی ئۆتۆمبێلی جۆری نیسانەكە بوون.
هاتووچۆی گەرمیان ئاماژەی بۆ ئەوەشكردووە،ئۆتۆمبێلی جۆری نیسان بەئاراستەی ناحیەی ڕزگاری ڕۆیشتووە و ئۆتۆمبێلی جۆری مسیوبوشی دەبڵ-یش ویستوویەتی پێچكردنەوە ئەنجام بدات و ڕووداوەكە ڕوویداوە.
کۆمێنت (0)
تا ئێستا هیچ کۆمێنتێک نەکراوە.