پۆلیسی گه‌رمیان ئاشكرای كرد كه پیاوێكی ته‌مه‌ن 74 ساڵی خه‌ڵكی كه‌لار كه‌وتۆتنه نێو گۆمێك و خنكاوه.
عه‌قید عه‌لی جه‌مال له ڕاگه‌یاندنی پۆلیسی گه‌رمیان گوتی: ئێوارەی ئەمڕۆ پێنجشەم تەرمی هاووڵاتییەک بە ناوی (خه‌لیل عه‌لی سه‌مین) لەدایکبووی ساڵی 1949 هێنرایە پزیشکی دادوەری قەزای کەلار.
هه‌روه‌ها گوتی: پیاوه‌كه بەهۆی خنکان له‌نێو ئاو گیانی لەدەست دابوو.
گوتیشی: بە وتەی کەسوکاره‌كه‌ی، ناوبراو نەخۆشی دەروونی هه‌بووە و ماڵیان لە نزیک کۆمپانیای گاردینە لە شارۆچكه‌ی کەلار.
عه‌قید عه‌لی جه‌مال گوتی: پیاوه‌كه کاتژمێر یەکی شەوی ڕابردوو دوای ئەوەی عیلاجەکانی خواردووە، لە ماڵ دەرچووە و کەوتۆتە گۆمێکی ئاوەوە کە کۆمپانیاكه بۆ شوشتنی ئۆتۆمبێلەکانیان دروستیان کردووە و لە ئەنجامیشدا خنکاوە.
پۆلیسی گه‌رمیان جه‌ختیشی كرده‌وه كه کەسوکاری پیاوه به‌ته‌مه‌نه‌كه، هیچ سکاڵایەکیان نەبوو و دوای ڕێکاری پزیشکیش، تەرمەکەیان ڕادەست کرایەوە.
کۆمێنت (0)
تا ئێستا هیچ کۆمێنتێک نەکراوە.