فه‌رمانده‌ی ئۆپه‌ڕاسیۆنه هاوبه‌شه‌كان ئاشكرای كرد كه ئه‌مڕۆ پێنجشه‌م كۆمه‌ڵێك چه‌كداری داعش له سنووری شاری كه‌ركووك كوژران و مۆڵگه‌كانیان له‌ناوبران.
فه‌رمانده‌ییه‌كه له ڕاگه‌یه‌نراوێكدا بڵاوی كرده‌وه: له‌سه‌ر بنه‌مای زانیارییه هه‌واڵگرییه‌كان ئه‌مڕۆ پێنجشه‌م فڕۆكه جه‌نگییه‌كانی عێراق له جۆری (F16) مووشه‌كبارانی چه‌ند مۆڵگه‌یه‌كی تیرۆریستانی داعشیان له ناوچه‌ی وادی شا له سنووری شاری كه‌ركووك كرد.
بڵاویشی كرده‌وه: له ئه‌نجامی مووشه‌كه‌كان چه‌ند چه‌كدارێكی داعش كوژران، هه‌روه‌ها مۆڵگه‌كانیشیان له‌ناوبران.
کۆمێنت (0)
تا ئێستا هیچ کۆمێنتێک نەکراوە.