به‌ره‌به‌یانی ئه‌مڕۆ هه‌ینی بوومه‌له‌رزه‌یه‌ك به گوڕی 6.3 پله‌ی ڕێخته‌ر له شارێكی وڵاتی ژاپۆن ڕووی دا و تا ئێستا زانیاری له‌سه‌ر ڕوودانی كاره‌سات و یاخود زیانی گیانی بڵاو نه‌كراوه‌ته‌وه.
میدیاكانی ژاپۆن بڵاویان كرده‌وه: بوومه‌له‌رزكه به‌ره‌به‌یانی ئه‌مڕۆ هه‌ینی له شاری ئیشیكاوا له رۆژئاوای ژاپۆن ڕوویداوه و گوڕی له‌رزینه‌كه‌شی 6.3 بووه به پله‌ی ڕێخته‌ر.
ئاماژه‌یان به‌وه‌ش دا كه حكوومه‌تی ژاپۆن تا ئێستا ئاگاداری و هۆشداری له دروستبوونی تسۆنامی به‌هۆی بوومه‌له‌رزه‌كه‌وه ڕانه‌گه‌یاندووه.
حكوومه‌تی ژاپۆن تا ئێستا هیچ زانیارییه‌كی له‌سه‌ر بوونی زیانه‌كان و ئه‌گه‌ری دروستبوونی مه‌ترسی تسۆنامی له وڵاته‌كه ڕانه‌گه‌یاندووه.
ئه‌وه‌ی ئێستا هاووڵاتییانی ئیشیكاوا و ناوچه‌كانی ده‌وروبه‌ری نیگه‌ران كردووه مه‌ترسی دروستبوونی كاریگه‌ری بوومه‌له‌رزه‌كه‌یه له‌سه‌ر وێستگه‌ی ئه‌تۆمی شاره‌كه و هه‌روها وێستگه‌ی كاشیوازاكی – كاریوا كه ده‌كه‌وێته شاره‌كه، له‌مباره‌یه‌وه حكوومه‌ت دڵنیایی داوه‌ته هاووڵاتییان كه زیان به وێستگه‌كان نه‌گه‌یشتووه.
کۆمێنت (0)
تا ئێستا هیچ کۆمێنتێک نەکراوە.