كه‌شناسی: ئه‌مڕۆ و سبه‌ی كه‌شوهه‌وا گه‌رم ده‌بێت

به‌ڕێوه‌به‌رایه‌تی گشتیی كه‌شناسی و بوومه‌له‌رزه‌زانی ڕه‌وشی كه‌شوهه‌وای ئه‌مڕۆ هه‌ینی و سبه‌ی شه‌مووی شاره‌كانی هه‌رێمی كوردستانی بڵاو كرده‌وه‌ و تێیدا ئاماژه‌ی به‌وه‌ دا كه‌ هه‌ردوو رۆژه‌كه‌ به‌راورد به‌ رۆژانی ڕابردوو گه‌رم ده‌بن.

سه‌باره‌ت به‌ كه‌شوهه‌وای ئه‌مڕۆ هه‌ینی، كه‌شناسی ڕایگه‌یاند: ئاسمان ساماڵ دەبێت لەگەڵ بوونی هەندێک پەڵەهەور، پله‌كانی گه‌رماش بەرزتر دەبێت بە 1 تــا 3 پلە لە تۆمارکراوەکانی دوێنێ پێنجشه‌م.

ئاراسته‌ی با به‌ره‌و باكوری خۆرئاوا ده‌بێت و خێراییه‌كه‌شی له‌نێوان له‌سه‌رخۆ و مامناوه‌ند ده‌بێت.

سه‌باره‌ت به‌ كه‌شوهه‌وای سبه‌ی شه‌مووی شاره‌كان، كه‌شناسی ئاماژه‌ی دا: ئاسمان ساماڵ و پەڵەهەور دەبێت لە هەندێک ناوچە دەگۆڕێت بۆ نیمچەهەور، هه‌روه‌ها پلەکانی گەرماش بەرز دەبێتەوە بە نزیکەی 2 تــــا 3 پلە لە تۆمارکراوەکانی ئەمرۆ هه‌ینی.

جه‌ختیشی كرده‌وه‌ كه‌ ئاراسته‌ی با به‌ره‌و باكوری خۆرئاوای هه‌رێمی كوردستان ده‌بێت و خێراییه‌كه‌شی له‌سه‌رخۆ و مامناوه‌ند ده‌بێت.

به‌ڕێوه‌به‌رایه‌تی گشتیی كه‌شناسی و بوومه‌له‌رزه‌زانی پله‌كانی گه‌رمای پێشبینیكراوی شاره‌كانی به‌مشێوه‌ی خواره‌وه‌ دیاری كرد:-

هەولێر: 31 پلەى سیلیزى

سلێمانی: 28 پلەى سیلیزى

دهۆک: 30 پلەى سیلیزى

کەرکووک: 35 پلەى سیلیزى

هەڵەبجە: 29 پلەى سیلیزى

حاجی ئۆمەران: 19 پلەى سیلیزى

زاخۆ: 31 پلەى سیلیزى

سۆران: 27 پلەى سیلیزى

گەرمیان: 36 پلەى سیلیزى