فه‌رمانگه‌ی پاڕكی سامی عه‌بدوڕه‌حمان له شاری هه‌ولێر چه‌ند ڕێنماییه‌كی نوێی بۆ ئه‌نجامدانی ئاهه‌نگی هاوسه‌رگیری له پاڕكه‌كه‌یان ده‌ركرد.
بۆ له‌مه‌ودوا هه‌ر گه‌نج و كچێك پڕۆسه‌ی هاوسه‌رگیری بكه‌ن و بیانه‌وێ ئاهه‌نگه‌كه‌یان له پاڕكی سامی عه‌بدوڕه‌حمان ئه‌نجام بده‌ن، ده‌بێت ئه‌م ڕێنماییانه جێبه‌جێ بكه‌ن:-
1- پێویستە پێش ئه‌نجامدانی ئاهه‌نگه‌كه، مۆڵەت لە فەرمانگەی پارکی سامی عەبدوڕەحمان وەربگیرێت.
2- ده‌بێت ناسنامە لە لای لێژنەی پەیوەندیدار بەجێ بهێڵرێت، دواتر پابەندی ڕێنوێنییەكان بێت و گشت کەلوپەلەکانی پارك بپارێزرێ.
3- هێنانی سەماعە و دی جەی و یاریی ئاگرین بۆ نێو پاڕكه‌كه به هه‌موو شێوه‌یه‌ك قەدەغەیە.
4- به‌ڵام هێنانی ئاو و شیرینی و خواردنەوە گازییەکان بۆ نێو پاڕك ڕێگەپێدراوە.
5- دوای به‌ڕێوه‌چوونی ئاهه‌نگه‌كه و لە کۆتاییدا ده‌بێت پەیوەندی بە لێژنەی تایبەتمەند بە فەرمانگەكه بكرێت بۆ پشکنینی شوێنەکە، بۆ ئەوەی دڵنیابن لە پاک و خاوێنیی شوێنەکە.
فه‌رمانگه‌ی پاڕكی سامی عه‌بدوڕه‌حمان جه‌ختیشی كرده‌وه كه سەرپێچیکردنی ئەم ڕێنوێنییانە له ئاهه‌نگه‌كانی هاوسه‌رگیری له‌نێو پاڕكه‌كه سزای کارگێڕی و یاسایی لەگەڵ دەکرێت.
کۆمێنت (0)
تا ئێستا هیچ کۆمێنتێک نەکراوە.