کەمێک پێش ئێستا؛ لە قەزای چەمچەماڵ تەرمی خاوەن کێڵگەیەکی پەلەوەر دۆزراوەتەوە، بەپێی زانیارییەکان لەلایەن چەند کرێکارێکی عەرەبەوە کوژراوە کە لە کێڵگەکەیدا کاریان کردووە.
ئەمشەو یەکشەممە 07ـی 05ـی 2023 لە قەزای چەمچەماڵ لە سنووری پارێزگای سلێمانی تەرمی خاوەن کێڵگەیەکی پەلەوەر دۆزرایەوە، ئیبراهیم حاجی ڕەفعەت پەیامنێری (کوردستان تیڤی) لەبارەی ڕووداوەکە پێی ڕاگەیاندین، کەسێک بە ناوی (حوسێن مەلا ئەحمەد) کە خاوەنی کێڵگەیەکی پەلەوەر بووە، بە چەقۆ هێرشی کراوەتەسەر و کوژراوە.
بەپێی زانیارییەکانی پەیامنێری (کوردستان تیڤی)، خاوەن کێڵگەی پەلەوەرەکە لەلایەن چەند کرێکارێکی عەرەبەوە کوژراوە کە لە کێڵگەکەیدا کاریان کردووە.
پەیامنێرمان ئاماژەی بەوەش داوە کە تاوەکو ئێستا هۆکاری کوشتنەکەی نەزانراوە، بەڵام کوژراوەکە بڕێک پارەی پێ بووە کە نازانرێت بڕەکەی چەندە، دوای کوشتنی پارەکەشیان دزیوە.
کۆمێنت (0)
تا ئێستا هیچ کۆمێنتێک نەکراوە.