جێگری سه‌رۆك وه‌زیرانی هه‌رێمی كوردستان سه‌باره‌ت به‌كۆبوونه‌وه‌كه‌ی ئه‌مڕۆی له‌گه‌ڵ سه‌رۆك وه‌زیران ڕایگه‌یاند كه پێكه‌وه ده‌توانن به‌سه‌ر ئاله‌نگارییه‌كان زاڵ بن.
قوباد تاڵه‌بانی جێگری سه‌رۆك وه‌زیران له تویتێكدا گوتی "ئەمڕۆ نیوەڕۆخوانێکی خۆش و بەرهەمدارمان لەگەڵ سەرۆک وەزیران مەسرور بارزانی هەبوو".
گوتیشی " ئێمە، پێکەوە هاوڕاین لەسەر ئەوەی دەتوانین بەسەر ئالنگارییەکانمان زاڵ بین و کار بکەین بۆ باشتر خزمەتکردنی هاووڵاتیانمان".
هه‌روه‌ها گوتی" بە بەهێزی بمێنینەوە بەرامبەر ئەو مەترسییانەی رووبەڕووی هەرێمی کوردستان دەبنەوە".
كۆبوونه‌وه‌كه‌ی نێوان مەسرور بارزانی سەرۆک وەزیرانی هەرێمی کوردستان و قوباد تاڵەبانی جێگری سەرۆک وەزیران لە کەشێکی ئەرێنی بوو و تێیدا تاوتوێی کێشە و گرفتە دارایی و ئیدارییەکانی بەردەم حکوومەتی هەرێم کرا و هەردوولا کۆک بوون لەسەر چارەسەری گشت کێشەکان بە ڕێگەی گفتوگۆ و هاوکاری نێوان گشت کوتلە وزارییەکانی ناو کابینەی حكوومه‌تی هه‌رێمی كوردستان.
هەروەها تيشک خرایە سەر دۆخی سیاسیی هەرێم و ناوچەکە و جەخت لەسەر پاراستنی تەبایی و یەکڕیزیی ناوخۆیی کرایەوە لەپێناو پاراستنی بەرژەوەندییە نیشتیمانی و مافە دەستوورییەکانی هاووڵاتییانی هەرێمی کوردستان.
I had a pleasant and productive lunch with PM @MasrourBarzani today.
— Qubad Talabani (@qubadjt) May 8, 2023
Together, we are united in the belief that we can overcome our challenges, work towards better serving our citizens, and remain strong in the face of the many threats facing the Kurdistan Region. pic.twitter.com/YJ1kDRxy6c
کۆمێنت (0)
تا ئێستا هیچ کۆمێنتێک نەکراوە.