بەتۆمەتی دزینی 300 ملیۆن دینار تۆمەتبارێك دەستگیركرا
مەفرەزەكانی بەش پۆلیسی نەهێشتنی تاوانی سلێمانی بەهاوكاری نەهێشتنی تاوانی هەولێر تۆمەتبارێكیان دەستگیركرد كەبڕی 300 ملیۆن دینارو بڕێك ئاڵتون و كەرەستەی گرانبەهای دزیبوو.
ئه‌مرۆ سێشه‌م 9ی5ی2023" پۆلیسی سلێمانی بڵاویكرده‌وه: دوای ئەوەی هاوڵاتییەك سكاڵای تۆماركرد كە پارەو ئاڵتونی لێدزراوە، بەڕێز بەڕێوەبەری پۆلیسی پارێزگای سلێمانی بەشی پۆلیسی نەهێشتنی تاوانی ڕاسپارد كە بەدواداچوونی بەپەلەو جددی بكەن بۆ دۆزینەوەو دەستگیركردنی تۆمەتبار .
پۆلیس ئاماژه به‌وه‌شده‌كات"سەرەنجام دوای لێكۆڵینەوەو بەدواداچون و كۆكردنەوەی زانیاری لەلایەن بەشی پۆلیسی نەهێشتنی تاوان- نوسینگەی ڕۆژئاوا توانرا لەماوەیەكی كەمداو بەهاوكاری نەهێشتنی تاوانی هەولێر تۆمەتبار بدۆزرێتەوەو لەشاری هەولێر دەستگیربكرێت، لەكاتی دەستگیركردنیشیدا دەستگیراوە بەسەربڕی 300 ملیۆن دینارو بڕێك ئاڵتون و چەند پارچە كەرەسەتەیەكی گرانبەهادا".
پۆلیسی سلێمانی راشیگه‌یاندووه" لەئێستادا تۆمەتبار ( د، ك، م) لەدایكبووی 1997 بەناسنامە كوردو بەبڕیاری دادوەر بەپێی ماددەی 443 ڕاگیراوەو دانی بەتاوانەكەیدا ناوە".
بەتۆمەتی دزینی 300 ملیۆن دینار تۆمەتبارێك دەستگیركرا
100%
کۆمێنت (0)
تا ئێستا هیچ کۆمێنتێک نەکراوە.