وەزارەتی شارەوانی و گەشتوگوزار رایگەیاند: لەسەر داهاتی شارەوانی، پرۆژەیەكی گەورەی دروستكردنی ئاوەڕۆی لوولەیی لە قەزای بنەسڵاوە لە سنووری بەڕێوەبەرایەتیی گشتیی شارەوانییەكانی هەولێر دەستیپێكرد و دوو گەڕەكی قەزاكە لێی سوودمەند دەبن.
هەروەها دەڵێت: گوژمەی ئەو پرۆژەیە، 73 ملیۆن دینارە و لەسەر ڕێژەی 15%ی داهاتی شارەوانی دابینكراوە، بڕگەكانی پێكهاتوون لە دروستكردنی ئاوەڕۆیەكی لوولەیی لەنێوان هەردوو گەڕەكی ڕاپەڕین و گوڵان لە بنەسڵاوە. ئاوەڕۆكە بە درێژایی 350م و بۆریی تیرە 40سم بە درێژایی 60م و لەگەڵ دروستكردنی هەشت مەنهۆڵ.
دەشڵێت: ئەو پرۆژەیە یەكێكە لە پرۆژە گرنگەكانی شارەوانیی بنەسڵاوە و هەردوو گەڕەكەكانی گوڵان و ڕاپەڕین لێی سوودمەند دەبن. وێڕای ئەو پرۆژەیە ئێستا چەندین پرۆژەی دیكەش لە سنووری شارەوانیی بنەسڵاوە لە قۆناغی جێبەجێكردندان.
کۆمێنت (0)
تا ئێستا هیچ کۆمێنتێک نەکراوە.