دوای نیوه‌ڕۆی ئه‌مڕۆ چوارشه‌م به‌هۆی ڕووداوێكی هاتوچۆ له سنووری پارێزگای نه‌ینه‌وا، 8 كه‌س گیانیان له‌ده‌ست دا.
به‌ڕێوه‌به‌رایه‌تی به‌رگریی شارستانی نه‌ینه‌وا بڵاوی كرده‌وه: ڕووداوه‌كه له‌نێوان ئۆتۆمبێلێكی تایبه‌ت و ته‌كسییه‌ك له ناوچه‌ی حه‌مام عه‌لیل له پارێزگای مووسڵ ڕوویداوه.
ڕاشیگه‌یاند: له ئه‌نجامی ڕووداوه‌كه 8 كه‌س گیانیان له‌ده‌ستداوه كه له‌نێویاندا ئافره‌ت و منداڵ هه‌ن.
به‌رگریی شارستانی نه‌ینه‌وا ئاماژه‌ی به‌وه‌ش دا كه بۆ ده‌رهێنانی ته‌رمه‌كان له‌نێو ئۆتۆمبێله‌كان ناچاربوونه ئامێری بڕینه‌وه و هایدرۆلیك به‌كاربهێنن.
له‌نێو قوربانییه‌كان له ئۆتۆمبێله تایبه‌ته‌كه‌دا دوو برا و ئامۆزایه‌ك هه‌ن، له‌نێو ئۆتۆمبێله ته‌كسییه‌كه‌ش دوو ئافره‌ت و دوو منداڵ و شوفێره‌كه‌ی بوونه‌ته قوربانی.
جه‌ختیشی كرده‌وه كه سه‌رجه‌م ته‌رمه‌كان له‌نێو ئۆتۆمبێله‌كان ده‌رهێنراون و ره‌وانه‌ی پزیشكی دادی كراون و لێكۆڵینه‌وه‌كانیش سه‌باره‌ت به هۆكاری دروستبوونی ڕووداوه‌كه ده‌ستی پێ كردووه.
کۆمێنت (0)
تا ئێستا هیچ کۆمێنتێک نەکراوە.