قایمقامییه‌تی سلێمانی ئه‌مڕۆ پێنجشه‌م ئارایشتگایه‌كی ئافره‌تانی به‌هۆی ئه‌نجامدانی چه‌ندان سه‌رپێچی داخست.
قایمقامییه‌تی سلێمانی ڕایگه‌یاند: ئه‌مڕۆ پێنجشه‌م به‌هۆی پابه‌ندنه‌بوونیان به مه‌رج و رێنماییه‌كانی كاركردن به گشتی و مه‌رجه ته‌ندروستییه‌كان به‌تایبه‌تی، لیژنه‌كانی قایمقامییه‌تی سلێمانی ئارایشتگای (نیل بیووتی)یان له گه‌ڕه‌كی راپه‌ڕین داخست.
ڕاشیگه‌یاند: ئارایشتگه‌ی ناوبراو جگه له پابه‌ندنه‌بوون به مه‌رج و ڕێنماییه‌كان، مۆڵه‌تی ته‌ندروستی و قایمقامییه‌تیشیان نه‌بوو، هه‌روه‌ها كارمه‌نده‌كانیشیان كارتی ته‌ندروستیان نه‌بوو، كه هه‌موو ئه‌مانه پێچه‌وانه‌ی رێنماییه‌كانی كاركردنه.
قایمقامییه‌تی سلێمانی جه‌ختیشی كرده‌وه كه مۆڵەت بنەمای کارکردنە بۆ ھەر پیشەیەک کە لە شوێنێکدا ئەنجام بدرێت، بۆیە پێویستە ئەو شوێنەی پیشەیەکی دیاریکراوی تێدا ئەنجام دەدرێت مۆڵەتی لەلایەنە پەیوەندیدارەکان وەرگرتبێت، پاشان دەتوانێت کاری تێدا بکات.
کۆمێنت (0)
تا ئێستا هیچ کۆمێنتێک نەکراوە.