نرخی نه‌وت له‌ بازاڕه‌كانی جیهان به‌رز بووه‌وه‌

دوای سێ هه‌فته‌ له‌ دابه‌زینی به‌رده‌وامی نرخی نه‌وت له‌ بازاڕه‌كانی جیهان، به‌یانی ئه‌مڕۆ هه‌ینی له‌گه‌ڵ كرانه‌وه‌ی بازاڕه‌كان نرخی نه‌وت به‌ به‌رزبوونه‌وه‌ ده‌ستی پێ كرد و نرخی هه‌ر به‌رمیلێك گه‌یشته‌ سه‌رووی 75 دۆلار.

نرخی هه‌ر به‌رمیلێك نه‌وتی برێنت به‌یانی ئه‌مڕۆ هه‌ینی 36 سه‌نتی هاته‌ سه‌ر واته‌ به‌ ڕێژه‌ی 0.5% به‌رزبووه‌وه‌ و گه‌یشته‌ 75.34 دۆلار.

به‌هه‌مانشێوه‌ نرخی نه‌وتی خاوی تێكساسی ئه‌مه‌ریكیش به‌رزبووه‌وه‌ و هه‌ر به‌رمیلێك 41 سه‌نتی هاته‌ سه‌ر و به‌ڕێژه‌ی 0.6% به‌رزبوونه‌وه‌ی تۆمار كرد، ئێستا نرخی هه‌ر به‌رمیلێك به‌ 71.28 دۆلاره‌.

ئه‌مه‌ له‌ كاتێكدایه‌ كه‌ له‌ ماوه‌ی سێ هه‌فته‌ی ڕابردوودا نرخی نه‌وت له‌ بازاڕه‌كانی جیهان به‌رده‌وام ڕووی له‌ هه‌ڵكشان و داكشان و نزمبوونه‌وه‌ بوو، به‌ڕێژه‌یه‌ك كه‌ 3 تا 4%ی نرخه‌كه‌ی له‌ده‌ستدابوو.