پۆلیسی سلێمانی دەستگیرکردنی کەسێکی ڕاگەیاندووە کە زیاتر لە 400 سەر مەڕی دزیبوو ویستبووی بیانفرۆشێت.
بەڕێوەبەرایەتیی پۆلیسی سلێمانی ڕایگەیاند: دوای تۆمارکردنی سکاڵایەکی یاسایی لەلایەن ھاوڵاتییەکەوە کە 448 سەر مەڕی دابوو بە کەسێک کە بۆی بەخێو بکات، بەڵام کەسەکە مەڕەکانی لە شوێنێکدا حەشاردابوو بە نیازبوو بیانفرۆشێت.
ڕاشیگەیاند: دەستبەجێ ھێزەکانی پۆلیس لێکۆڵینەوەکانیان دەستپێکرد و توانرا مەڕەکان بدۆزرێتەوە و دەستیانبەسەردا بگیرێت، لێکۆڵینەوە و بەدواداچوونی ھێزەکانی پۆلیس بەردەوام بوو بۆ دەستگیرکردنی تۆمەتبار کە بۆ شوێنێکی نادیار ھەڵاتبوو.
پۆلیسی سلێمانی ئاماژەی بەوەش دا کە دوای بڕیاڕی دادوەر، توانرا تۆمەتبار (س. ع. ئـ) لەدایکبووی 1995 بدۆزرێتەوە و لەلایەن مەفرەزەكانی بنكه‌ی پۆلیسی زه‌ڕایه‌نی سه‌ر به به‌شی پۆلیسی شاره‌زوورەوە دەستگیر بکرێت، ئێستاش بە بڕیاری دادوەر ڕاگیراوە و لێکۆڵینەوەکان بەردەوامن.
کۆمێنت (0)
تا ئێستا هیچ کۆمێنتێک نەکراوە.