ڕووداوێکی هاتووچۆ لەسەر ڕێگەی کەلار – ناحییەی ڕزگاری ڕووداوێکی هاتووچۆ لەنێوان ماتۆڕسکیلێک و ئۆتۆمبێلێک ڕووی دا، بەهۆیەوە شوفێری ماتۆڕسکیلەکە گیانی لەدەست دا.
ئێوارەی ئەمڕۆ هەینی 12ـی 05ـی 2023 لەسەر ڕێگەی کەلار - ناحییەی ڕزگاری ڕووداوێکی هاتووچۆ لەنێوان ماتۆڕسکیلێک و ئۆتۆمبێلێک لە جۆری لاریدۆ ڕووی دا و دوو کەس بریندار بوون، کە شوفێر و سەرنشینی ماتۆڕسکیلەکە بوون، لەمبارەیەوە پۆلیسی گەرمیان ڕایگەیاند: لە ئەنجامی ڕووداوە هاتووچۆیەکە شوفێری ماتۆڕسکیلەکە بە ناوی (هەمزە شوکر بابل) لەدایکبووی 1998 دانیشتووی ناحییەی ڕزگاری گیانی لەدەست دا.
دواتر پۆلیسی هاتووچۆی گەرمیان ڕوونکردنەوەیەکی لەسەر ڕووداوەکە بڵاو کردەوە و ئاماژەی بەوە دا کە دوای بەدواداچوونی تیمی هاتووچۆ و گەیشتن بە زانیاری وردتر، دەرکەوت ئۆتۆمبێلی جۆری جێب لاریدۆ لایەنی سەرەکی نییە لە ڕووداوەکەدا.
هاتووچۆی گەرمیان هەروەها ڕوونی کردۆتەوە، لە کاتێکدا کە ڕووداوەکە دروست بووە لەنێوان ماتۆڕسکیلەکە و تراکتۆرێکدا ئۆتۆمبێلەکە ویستوویەتی خۆی بپارێزێت بەو هۆیەشەوە کۆنتڕۆڵی لەدەست داوە و خۆی بە ستوونێکی ڕووناکیدا کێشاوە، تاوەکو ئێستا لێکۆڵینەوە لە ڕووداوەکە بەردەوامە.
کۆمێنت (0)
تا ئێستا هیچ کۆمێنتێک نەکراوە.