کەشناسی هەرێمی کوردستان پێشبینییەکانی بۆ ڕۆژی شەممە خستووەتەڕوو، دەڵێت، ئەگەری خۆڵبارین و نمەباران هەیە.
بەڕێوەبەرایەتیی کەشناسی و بوومەلەرزەزانی هەرێمی کوردستان پێشبینییەکانی بۆ کەشوهەوای ڕۆژی شەممە 13ـی 05ـی 2023 خستەڕوو، ڕایگەیاند: ئاسمانى هەرێم نیمچەهەور دەبێت لەگەڵ ئەگەرى بارینى کەمێک نمەباران و هەورەبرووسکە لە ناوچە شاخاوییەکان.
ڕاشیگەیاند: بەهۆی زیادبوونى خێرایی با تۆز و خۆڵ بەرز دەبێتەوە کە دەبێتە هۆی کەمبوونەوەى مەودای بینین، لە دوای نیوەڕۆوە خێرای با چالاکتر دەبێت بۆ 30 کیلۆمەتر لە کاتژمێرێکدا شەپۆلی خۆڵبارین چڕتر دەبێت لە کاتەکانى ئێوارە و شەودا.
سەبارەت بە پلەکانی گەرماش کەشناسی هەرێمی کوردستان ئاماژەی بەوە داوە کە پلەکانى گەرما 2 پلە نزم دەبنەوە بەراورد بە پلەکانى گەرمای ئەمڕۆ.
کۆمێنت (0)
تا ئێستا هیچ کۆمێنتێک نەکراوە.